Select Language:  

Kouewater Metode

Die benaming kouewater sê presies wat dit is, die sodavlokkies word met KOUE reënwater of gedistilleerde water aangemaak. Met die metode word die seep geensins gekook nie, maar wel geroer totdat die vet en soda verseep.

Ons Storie

Kouewater seep word al geslagte lank in ons Louwfamilie gemaak. So ver ek kan onthou het my Ouma Duifie wat op ons plaas Elandsoog in die distrik van Middelpos, Calvinia geleë is, die seep gemaak. Sy het wel van tyd tot tyd die regte egte outydse kookseep gemaak. Sy het my moeder Johanna Louw of dan "OUMA HANNA" die fynere kunsies geleer wat sy dan ook goed bemeester en toegepas het.
Sedert Oktober 2007 het ek Alida Taljaard die maak van kouewater boerseep by my Moeder "Ouma Hanna" oorgeneem en onder haar leiding en toesig my eie kouewater seep begin maak. My tweelingsuster Christine Bothma, het sopas Augustus 2009 begin om die kuns te bemeester en is ook nou deel van die LOUW seepmaak brigade.
Boerseep is geskik vir alle huishoudelike gebruike. Dit is veral baie geskik vir die was van wit klere en vetkolle. Nadat jy dit goed ingesmeer het en oornag laat week het gooi in jou wasmasjien en 'n spierwit en vetkol vrye produk word gewaarborg.
Dit is algemene kennis dat ons voorouers hul seep self moes maak en daarom was die seeppot een van diť kosbaarste stukke gereedskap wat op die verre trekpad saamgeneem is. Resepte en kennis is van geslag tot geslag oorgedra maar leesstof oor die maak van boerseep is baie skaars.

Kontakbesonderhede

Alida Taljaard - boerseep@telkomsa.net
082 264 3057 - Bonnievale
Christine Bothma - boerseepinfo@gmail.com
084 548 7913 - Kuilsrivier

Verskaffers

Besighede wat ons produkte aanhou  
 Gebruiksaanwysings (koue en warm water )

Klere : Was witter as wit, verwyder vlekke/vetkolle
Koue water : Vir alle hardnekkige vlekke soos rooiwyn, granaatsap, bloed, modder, kerrie, ink
Warm water : Vir alle vetkolle soos olie, ghries, diesel & vet
Potte, panne: Was en skuur skitter blink
Matte,baddens,storte:Skuur, laat staan en spoel af

Gebruik as handewas seep, baie sag op jou hande!
Week oornag vir beter resultate!